Росмолодежь 2019 елның 25 ноябреннән 2 декабренә кадәр яшьләргә вакытында диагностика методларын һәм ВИЧ-инфекцияне профилактикалауның төп чаралары турында мәгълүмат бирү максатларында, “ВИЧ/СПИД стоп” бөтенроссия акциясен үткәрде.
2019 елның 2 декабрендә иреклеләр полиция хезмәткәрләре белән берлектә, Бөгелмә төзелеш-техник колледжының 1 курс студентлары өчен «Беләргә хокукы бар» мәгълүмати профилактик акциясен уздырдылар.
Көн тәртибендә шундый актуаль мәсьәләләр торды: ВИЧ-инфекция һәм СПИД нәрсә ул, бу авыруларның нинди симптомнары башлангыч стадиядә чагыла, тышкы күренеш буенча ВИЧ-инфекция йоктырган кешене билгеләргә мөмкинме һ.б.
Балалар җаваплар эзләгәндә чын күңелдән кызыксындылар. Акцияне оештыручылар биргән сорауларга тулы җавап бирергә тырыштылар.
Мәгълүмат һәм фото - Бөгелмә муниципаль районы порталыннан