Салават Зәки улы Фатхетдинов 1960нчы елның 10 гыйнварында Башкортстанның Тәтешле районында, Аксәет авылында туа. Мәктәпне бетерүгә, Салават Стәрлетамак мәдәни агарту училищесына укырга керә. Аннары соң Казан дәүләт мәдәният һәм сәнгать универсетына режиссура бүлеген тәмамлый. “Татар җыры-1989” фестивалендә Салават Фатхетдинов лауреат исеменә лаек була. 1991нче елда аңа Татарстан Республикасының атказанган артисты, ә 1995нче елда Татарстан Республикасының халык артисты исеме бирелә.